دعوة عامة للجميع

والله يا اليوم البارد الكل يريد يعرف شنو السبب لان مو بس المرحلة الرابعة كل المراحل ماكو اي سفرة من بين باقي الاقسام والكليات والسبب مجهول..!

مثلا العام السابق انطرحت فكرة سفرة لمكان قريب كان يمكن لمزرعة بالرمادي وعلى ما اذكر الاخوات ملك وجوهرة اخذو رأي البنات بس كانت نسبة لا بأس بها يروحون وفجأة الغت هم شنو السبب محد يدري

بس اذا كانت السنة المقبلة اكو فكرة سفرة ما اتصور تكون ممانعة من قبل الطالبات وخاصة هاي المرحلة الاخيرة

وما اتصور تكون اكو اسباب غيرها

تحياتي

جيد الان المشاركة 1 بالمية انتضر مشاركة باقي الاعضاء بالاضافة الى اخذ رائ باقي الزملاء

ومن يمي اخليها لخاطرك 2 بالمية والله الصوج مو بالفكرة ولا بالسفرة السبب بالطلاب والطالبات نفسهم احتمال الطالبات يكولون ما ناخذ راحتنا وية الطلاب ولهذا يطلبون سفرة خاصة بالطالبات فقط واني شخصيا ضد فكرة سفرة للطالبات فقط
واحتمال بعض الطلاب يقدمون نفس العذر يا اخ والله مايصير ليش سموهم طلاب جامعة احنا وصلنا مرحلة ابد مو قليلة مرحلة جامعية لازم نكون متفقين ومتفاهمين يعني اني اكضي 4 سنوات كاملة وية الطلاب وساعة السفرة اكول ما ارتاح ما جرت وحيل انفعلت بالرد واتمنى تسامحوني اذا احد ضاج من ردي وتقبل مروري يا اليوم البارد

ملك روحي كتب:

ومن يمي اخليها لخاطرك 2 بالمية والله الصوج مو بالفكرة ولا بالسفرة السبب بالطلاب والطالبات نفسهم احتمال الطالبات يكولون ما ناخذ راحتنا وية الطلاب ولهذا يطلبون سفرة خاصة بالطالبات فقط واني شخصيا ضد فكرة سفرة للطالبات فقط
واحتمال بعض الطلاب يقدمون نفس العذر يا اخ والله مايصير ليش سموهم طلاب جامعة احنا وصلنا مرحلة ابد مو قليلة مرحلة جامعية لازم نكون متفقين ومتفاهمين يعني اني اكضي 4 سنوات كاملة وية الطلاب وساعة السفرة اكول ما ارتاح ما جرت وحيل انفعلت بالرد واتمنى تسامحوني اذا احد ضاج من ردي وتقبل مروري يا اليوم البارد

شكرا ملك على تواصلك ووصلت الفكره واذا كانت المشكله هي التفاهم اعتقد الحمد لله التفاهم موجود والاحترام موجود والجميع مرتاحين لان احنه كلنا اخوة ان شاء الله وهذا مو كلامي هذا يشهد بي كل شخص في القسم
وشكرا على 2 بالمية تحياتي..

مشير كتب:

بسم الله الرحمن الرحيم

والصلاة والسلام على سيد المرسلين وخاتم النبيين محمد وعلى آله وصحبه الغر الميامين
اما بعد:
ان مسألة السفرة وخروج الطالبات والطلاب في سفرة هو شئ غير محبب من الطالبات واهاليها وخاصة نحن في زمن مفقود فيه الامان وانا بهذا كلامي لا اشكك في الطلاب واحترامهم لبعضهم ولكن هذا هو الواقع وان الطالبات لايستطعن الخروج الا للجامعة لان هناك حرس جامعي وامور تقيد الطلبة وكلً حسب رأيه وتفكيره فهناك من يتقبل الامر ومنهم من يعارض
انا هذا رأيي ارجو ان اكون وفقت في شرح بعض الاسباب
تقبلو مروري

شكرا شيخ جبوري على هذه الفتوى ... واذا تريد تعرف منو شيخ جبوري اسال علي ومعاذ همه يكلولك منو ...
زين هذا كلامك يخليني احجي شي اني ماردت احجي بس قبل ايام ابلغني اخ غزيز ان طلاب وطالبات قسم الجيلوجي خرجم سفره الى اربيل هذا رد على كلامك ان السفره غير محببة ...
اما بخصوص الوضع الامني فهذه مشكله يمكن حلها بسهوله ( وذلك بجعل السفر الى احد مراكز الشرطه او الى مديرية الشرطة مثلا او الى قسم الادلة الجنائية في مديرية الشرطه ونرى كيف يمكن للفيزياوي تطوير هذا القسم .... اضافتا الى اصطحاب جدر دولمه مع قليل من البرياني وزلايط وترتيبات وتكدر تشارك ويانه وتجيب جدر مقلوبة .....

شكرا على مشاركتك الرائعه بس ماكتلي رايك اذا كانت هناك سفرة وتوفرت فيها الشروط المذكوره اعلاه في بداية الموضوع ماهي نسبة المشاركه ؟؟؟
1 اني ذكرت ان السفرة الى مكان قريب ويتفق علية الطلاب يعني اكيد امين
2 ذكرت ايضا انه راح يرافق الطلاب عدد من الاساتذه يعني تدري انته خاف احد الطلاب ينقلب ديناصور او سحليه اكو اساتذه كدهه وهذا اعتقد يرضي للاهالي اكثر ويطمنهم
وانته عشت بالفيزياء وشفت اخلاق الطلاب يعني يستحون من خيالهم تحياتي انتضر ردك ريس

شكرا لك حبيبي اليوم البارد عله هاي المبادره الجميله

اعتقد ان السبب الوحيد في هاي المساله هيه العميد لان بصراحه العميد يتحيز لقسم من غير الاقسام الباقيه

لان السنه الماضيه كملنه العدد والاسماء وحته مبالغ اذا رادو يدفعون الطلاب ولكن بقت بس موافقه العميد والعميد لغاهه لان سبب ما اعرف

لان احنه مكرودين بالدراسه وبالسفرات وبالحفلات

والله ولي التوفيق

عشت ابو سعد على مشاركتك الرائعة وان شاء الله نلكي حلول لهذه المشاكل ان شاء الله سهله ومكدور عليهه

اقتباس :

شكرا شيخ جبوري على هذه الفتوى ... واذا تريد تعرف منو شيخ جبوري اسال علي ومعاذ همه يكلولك منو ...
زين هذا كلامك يخليني احجي شي اني ماردت احجي بس قبل ايام ابلغني اخ غزيز ان طلاب وطالبات قسم الجيلوجي خرجم سفره الى اربيل هذا رد على كلامك ان السفره غير محببة ...
اما بخصوص الوضع الامني فهذه مشكله يمكن حلها بسهوله ( وذلك بجعل السفر الى احد مراكز الشرطه او الى مديرية الشرطة مثلا او الى قسم الادلة الجنائية في مديرية الشرطه ونرى كيف يمكن للفيزياوي تطوير هذا القسم .... اضافتا الى اصطحاب جدر دولمه مع قليل من البرياني وزلايط وترتيبات وتكدر تشارك ويانه وتجيب جدر مقلوبة .....

شكرا على مشاركتك الرائعه بس ماكتلي رايك اذا كانت هناك سفرة وتوفرت فيها الشروط المذكوره اعلاه في بداية الموضوع ماهي نسبة المشاركه ؟؟؟
1 اني ذكرت ان السفرة الى مكان قريب ويتفق علية الطلاب يعني اكيد امين
2 ذكرت ايضا انه راح يرافق الطلاب عدد من الاساتذه يعني تدري انته خاف احد الطلاب ينقلب ديناصور او سحليه اكو اساتذه كدهه وهذا اعتقد يرضي للاهالي اكثر ويطمنهم
وانته عشت بالفيزياء وشفت اخلاق الطلاب يعني يستحون من خيالهم تحياتي انتضر ردك ريس

لو انك تمعنت في ردي لما كتبت هذا لان فقدان الامان هو ليس بالشيئ الهين اما بالنسبة ان ينقلب الطالب ديناصور انا قلت (وانا بهذا كلامي لا اشكك في الطلاب واحترامهم لبعضهم) ووذكرت (وكلً حسب رأيه وتفكيره فهناك من يتقبل الامر ومنهم من يعارض) يعني الطلاب منهم من يوافق ومنهم من يعترض واختتمت قولي بــــ( ارجو ان اكون وفقت في شرح بعض الاسباب) يعني اني لست معترض ولا مشكك بس شرحت الاسباب وبالنسبة للطلاب الفيزياويين اعتقد بانهم هم اول من يدافعون عن اصحابهم واخواتهم في الجامعة وسيردون بشراسة على من يحاول ان ياذي القسم باي شكل من الاشكال ولا اشكك فيهم البتة
اكرر واعيد تمعن في الموضوع قبل الرد
واعتقد سوف تثبت الايام صحة كلامي لاني عشت التجربة وحاولت ان اعمل سفرة واعتقد الى نفس المكان الذي تنوون الذهاب اليه ولكن دون جدوى

شكرا ريس على الايضاح تحياتي وان شاء الله نسعى بمشاركاتكم واقتراحاتكم الى ان نغير شيء