-حشاش سأل أبو المخضّر: عندك فاصوليا خضرة؟ كال: لا والله خلصت. كال: لعد شظل عندك يا لون؟.
-محشش كال لأبو التكسي: توديني وين؟ وأدفعلك شكد؟ أبو التكسي هم محشش.. كال له انزل هنا وادفع شكد ما يعجبك.
-محشش طلعله جنّي بالليل ما جان حافظ شي من القران غنّى له: طلع البدر علينا.
-محشش بالشرطة لازم إرهابي وكاعدله دك بالصوندة ويكلّه: أبن الكلب أعترف, جم مرّة مفجّر نفسك؟.
-محشش خابر على وزارة الدفاع شالوا التلفون كالوا الدفاع اتفضّلوا كلّلهم انطوني الگولجي.
-محشش
أشتغل بالحرس الوطني أنطوه واجب كالوله حظر التجوال يبدي بالعشرة إذا تشوف
واحد بعد العشرة يمشي ارمي عليه. الساعة بالتسعة شاف واحد يمشي رماه وكتله
اجو جماعته كالوله هاي اش سوّيت بعد ساعة على حظر التجوال. كلّلهم أدري بس
هذا بيته بعيد بعد ساعتين ميوصل.
-محشش
مسوّي حادث بالتريلّه قاتل 40 واحد.. سأله القاضي أبني شلون قتلت أربعين
واحد أنته ما تعرف تسوق؟ جاوبه المحشش: سيدي آني جنت ماشي سريع ودست بريك
بس فگس البريك بيدي وجان كدّامي شارع يروح يمين وشارع يروح يسار فعالشارع
اليمين أكو أثنين شباب وعالشارع اليسار أكو سوق شسوّي؟ جاوبه القاضي أكيد
رحت عالشباب الاثنين فكال المحشش آني هم رحت عليهم بس شسوّيلهم انهزموا
للسوق.
-حشاش اشترى موبايل كال لأخوه: أكتب لي رسالة. كلّه ليش؟ كلّه خطّي مو حلو.
-عصبي
فتّح مطعم كتب بيه: اليحب يتفضّل يتسمّم خلي يجي يتزقنب"ياكل"والمسوّي
ريجيم يطبّه مرض عساه لا أكل والما يعجبه يجي خلي ياكل
وقزرقط"ينكتم"ببيتهم.. وناقص على عرضي إذا ما عزّلته للمطعم وأنعل أبوكم
لابو أليفتحلكم مطعم بعد.
-وحدة كالت لزوجها حبيبي اليوم عيد زواجنه شنو راح نسوّي؟ كلّلها أول مرّة خلّي نوكف دقيقتين حداد.
-فد يوم واحد خابر مرته كلّلها أحميلي المي. صاحبه كلّه عمّي لو هيج الزلم لولا. جاوبه كلّله لعد شعبالك قابل أغسل مواعين بمي بارد.
-وحدة حلمانة أنو واحد يركض وراهه.. كلّتله: ليش تركض ورايه؟ كلّلها: انه أشعليّه؟ هوّه انه الحلمان لو انتي؟.
-واحد شاف محشش أعمى لازم جريدة كال أول مرة أشوف أعمى يقره. كلّه المحشش الأعمى: ومنو كلّك أعرف أقره؟؟؟.. انه جاي أباوع عالصور بس.
-بعد خسارة السعودية مع العراق تغير العلم السعودي من(لا اله إلّا الله)إلى(إنّا لله وإنّا إليه راجعون).
-وحدة شافت زوجها يقرأ كتاب(الرجل سيّد المنزل)كالتله: أشكد تحب القصص الخيالية.
-عجوزة أربع سنوات ما غاسله راسهه دوروا بشعرها شافوا القمل ديصلّي صلاة الاستسقاء.
-عراقي واكف على بير زمزم كال أخوان بلا جليكانات لا تخلّونا نسوّيها فردي وزوجي.
-صرصر سأل صاحبه: شلونك هالأيام؟ بس لا أكو نعل؟ كلّه: لا الحمد لله صاحب البيت أحول.
-شيخ جامع نذل كل ما تجيه رسالة يرد الجهاز الآلي ويكول: أترك رسالة بعد سماعك سورة البقرة.
-حشّاشة محجّبة لابسه قصير.. كالولها: ليش؟ كالت: حتّى أرضي الله وعباده.
-أبو بريص نايم بالمستشفى متكسّر, سألوه سلامات.. خير أكو شي؟؟ كاللهم: والله كالعادة نعال.
-متديّن
في قمّة الأدب بحيث يدك باب الثلاجة قبل ما يفتحها. مات المتديّن
هذا..فبالجنّة حصّل بيتين.. كام باع واحد وأجّر واحد, وسكن عد كرايبه
بالنار.
-واحد يصلّي بجماعة وجان أكو نسوان همّينه يصلن.. المهم كال ولا الضالّين ردّوا اااامين.. كال: أروح فدوة لهالصوت.
-واحد متديّن جديد أتّصل على الأم بي سي كالوله: شتحب تسمع؟ كال مقطع من أذان المغرب بصوت مايكل جاكسون.
-واحد راح للطبيب كال له: دكتور عندي حالة نسيان شديد.. كال له الطبيب: ومن ايمتى عندك هذي الحالة؟ كال له: يا حالة دكتور؟.
-واحد كال للشيخ: آني شفت فلم خلاعي.. شلون أستغفر وأتوب؟؟ كلّه: كفّارتك تتفرّج على قناة السودان 3 أشهر.
-صرصر انتحاري.... فجّر نفسه بمعمل ال(بف باف).
-شيخ
جامع سكران صعد عالمنبر وخطب... من خلّص اجاه صاحبه كلّه شيخنه أنته كلت
معركة بدر صارت بالرمّانات والقاذفات واحنه سكتنه وكلت معركة أحد صارت
بالمدافع والطيّارات واحنه سكتنه بس مال تكول أنو بلال الحبشي يشجّع
برشلونة هاي ما نسكت عليها.
-فد
يوم واحد ديمشي بالشارع جان يلكه الفانوس السحري فركه طلعله العفريت شبّيك
لبّيك من هالخرابيط, أطلب... الولد فكّر فكّر جان يكلّه أريدك تبنيلي جسر
من بغداد للصين, العفريت كلّه مو هاي صعبة لازمني مواد هوايه وطول سنين...
شوفلك غيرها. كلّه زين أريدك تقضي عالطائفيّة بين السنّة والشيعة. العفريت
كلّه نرجع عالجسر شتريده معلّق, طابق, طابقين؟.
-فيالة ونمل يلعبوا طوبة الفيالة بطّلوا ليش؟ لأن النمل يلعب خشن.
-مرّه
العراق ومصر واليابان قرّروا عمل فلم تايتانيك. مصر كالت احنه نحضّر
الممثّلين. اليابان كالت احنه نصنع السفينة. العراق كال احنه نكطع
الكهرباء.
تقبّلوا تحياتي
