اقتراح من ملك

االصراحة كلما امر الكى المنتدى فارغ لهذا قلة الي يشاركون وربي مو كدامكم بس وناسة الحجي وياكم وخصوصا من الكى لحد يرد عليا لهذا اقترح علا رؤساء المنتدى التواجد ما اكوللكم عوفوا كلشي وكابلوا النت بس تواجدكم خلي يكون واضح ومستمر واتمنى مايسوي عليكم زحمة اقتراحي

حقج حبي واني ايدج لان ماعرف شنو السبب طلابنا مايشتركون
وشفنه نجاح بالكليه بالسبب المجله واني متاكده معضم الطلاب عدهم الانترنيت
اماا بالنسبه الاعضاء المشتركين احتمال عدهم ضروف مايكدرون يتوجدون ياملوكه

شكراا ورده
تحياتي الج

يسلمولي الايد الي تكتب

اولا اهلا وسهلا بأختنا مدري اخونا ملك روحي وحياك الله
صحيح المنتدى دائما فارغ والتواجد قليل جدا وخاصة هسه عطلة يعني ماكوحجة دراسة
يعني لو يكون شوي تشجيع من الاعضاء المتواجدين لو كل عضو ينطي الموقع لاصدقائه الفيزياويين يكون التواجد اكثر
ولو اكو طلاب من كلية العلوم بس من غير اقسام سجلوا وقدموا طلب لمدير المنتدى ان يفتح لهم قسم ويانة يعني هم شوي يزيدمن التواجد وبنفس الوقت يكون تعاون طلبة اقسام كليتنا
شكرا لطرحك ملك روحي وحياك الله مرة ثانية

شكرا لــ ملك روحي
والله اني دائما اسوي دعايه واشجعهم عالمشاركه بالمنتدى
حتى طلاب المعهد هذا الي اكدر عليه
وهسه اكو نت عالهاتف الارضي ومجاني لنهاية السنة
الحمدلله والله المنتدى على وضعية هاي حلو منور بوجودكم

حقك مدري حقچ يا ملك روحي واقراحك صحيح وفي محله وان شاء الله مانقصر

شكرا لك ملك روحي اقتراح جميل جدا
ان شاء الله يكون تواجد اكثر بالايام القادمه واني بالنسبه الي اوعدكم بهذا الشي ..... ودنسوي دعايه للمنتدى بس محد يتقبل المنتديات بسبب الفيس بوك واني اقترح نسوي موقع عالفيس بوك خاص بالفيزياويين وراح يكون الاقبال اكثر ان شاء الله .... تحياتي للجميع المشاكس

مبين الاقتراح ماثر علا المشاكس حيللللللللللللللل يسلمولي يالمشاكس

شكرا الج ملك روحي وطبعا حيل اثر بيه هذا الاقتراح لان اني مقهور اكثر واحد بيكم بس ما باليد حيله ... تحياتي المشاكس

لالالالالالالالاللالالالا ليش تنقهر يجوز لني اكثر منك ليش عندك ثقة انت اكثر واحد بينا؟

يمعوده انتي متنقهرين بكدي لان انتي مشغول بالج بالاكل ... شكرا يا ملك روحي ...المشاكس

اولا ياملك روحي ومشاكس لو داخل عل الشات مو احسن
وثانيا اقتراح رهيب من ابو سعد وراح اسوي مجموعة عل الفيس بوك اسمهة المجلة الفيزياوية وشنو رأيكم بهيجي

سوي الي يعجبك وعلا ما تريد ومحد يحاجيك ويكولك فوك عينك حاجب

عفيه مشمش براحتك عيني انته بس فصل واحنه نلبس
تحياتي الكم يا ورود المنتدى

عاااااااااااا شت ايدك على هيج فكرة

وابدك حياتي يوميه تعال اخذ افكار ... استفاد مني كبل لا اموت هههههههههههههه ..المشاكس

هههههههههههههههه افكار رائعة واقتراحات مذهلة من قبل معاذ وملك روحي
وتم فتح مجموعة المجلة الفيزياوية على الفيس بوك
بس اني اكو المنتدى احسن وخاصة من ناحية الخصوصية والسيطرة على الوافدين للمنتدى وانتوا أأمروا واني انفذ
خادم صغير

الله يعزك حبيبي خادم ربك مولاي ...وشكرا وهاهيه ما عندي حجي بعد

مولاك الحسين حوبي ابو سعد

يسلمووو ملك على الاقتراح الحلو وكل الافكار المعروضه وحدة احلى من الاخرى انى اشوف من وجه نظري لو كانت المجله مو مقتصرة على الفيزياء لو كانت مجله صادرة من كليه العلوم بكافه اقسامها يعنى كل قسم يقدم موضوعاته هذا راح يوسع المجله ويخلي كل الاقسام تعرف بموقعها مو بس قسم الفيزياء هذا الشىء راح يخلي المجله كل اقسام العلوم تشارك بيها فتكون مجله هي فيزياويه هى علميه هي كيمياويه هي بايلوجة ومشكوره اخت ملك على الاقتراح