مشير
عدد المساهمات : 1376 تاريخ التسجيل : 04/02/2010
| موضوع: قصة سندريلا العراقية 2010-07-16, 4:42 pm | |
| قصة سندريلا العراقية
كان ياما كان في عتيك الزمان جان اكو بنية اسمها سندريلا خوش ابنية اصيلة و علمودها غنى حسام الرسام الاغنية مال العكربة ,,,المهم جان عدها مرت اب كلش خبيثة و ابوها خطية يبيع قوايش مبردات حجم 1100 ومرات يبيع شخاط فلّ بس هو خوش زلمه من اهل الاول ... و جانو الكل سايكين على سندريلا خطية روحي سوي الجوزة مال المولد فصلت ,,, روحي اوكفي سرة على الغاز,,, روحي لابو المحل ابراس الفرع اشتري شحاطات لخواتج (اللي همة جانو 3 خوات بس خبيثات للهامة ),,, روحي شلعي الشتايكر مال السطح و رجعية مرة لخ,, روحي جيبي لفات فلافل مشي,, روحي بدلي الدهن مال المولدة ... و هاي خطية جانت كلش حبااابة و تروح ولا تفتح حلكها بس من جواها جان التقسيم مشتغل المهم,,,,,الى أن يوم من الايام جانت دا تصعد ماي بجليكان ابو الـ 20 لان الماي ضعيف و الماطور ما يصعد وماكو كهرباء لكت بالطرمة فانوس بس شنوو مزنجر و عتيك جتي عليه فركتة و كرررب كام يطلع دخان سندريلا انرعصت و رجعت خطوتين للخلف بسبب المفاجأة شنو الدخان هذا ؟ الدخان شوية شوية اتحول الى جني لابس دريس ريال مدريد و بوتين اديداز وسوار ذهب و حاط معطر freedom for men و كللها:- -شبيك لبيك عبدك بين ايديك انا الجني عادل من حي الجامعه شتريدين اسويلج بس عالسريع لأن ماما دكتلي مسكول لازم ارجع كالتله -عمو جني اريد كهرباء وطنيه 24 ساعة ممكن؟ -ولج بابا هوة اني ساحب واير 5 امبير من المولد للفانوس شلون اجيبلج وطنيه 24 ساعة؟ شنو جني لو وزير الكهرباء؟ -زين عمو اريد قنينة مال غاز متروسة لأن معوزين كلش ..... -ولج عمو شنو هذا الحجي؟ ولج انتي شكد فكرية.. اكو واحد يطلب من جني قنينة غاز؟ شايفتني رابط الفانوس على حصان؟ -عمو لعد شتكدر تسويلي؟ -باعي عمو انتي بعدج اصغيرة و محرومة و الامير راح يسوي حفلة و ادري عائلتج راح تروح شنو رايج لو اخليج تروحين و تتونسين؟ احتمال تطلعين ابصاية و صرماية لأن الشرقية هم دا تصور هناك حفلة طاكة - زين شلون اروح عمو؟نفرات لو كيا؟ -بابة معليج هسة غمضي عينج...... سندريلا غمضت عينها (ومن الغريب يا جماعة انه اول ما غمضت عينها ما كامت اتشوف و هذا الشي محد لكالة تفسير الى هسة ) و كررررب شافت سندريلا نفسها لابسة تنورة كصيرة و بدي و حذاء آخر موديل يعني طلعت حااتة مو طبيعيه و كللها الحفلة تخلص بال 8 و نص علمود منع التجوال و كل هاي الهدوم راح توكع و الحذاء و الميك اب و كلشي راح يختفي اذا عبرت ال 8 و نص و احتمال تنعلسين بالطريق -حاضر عمو وصلت سندريلا لبيت الامير جان مسوي حفلة لان طلع 77 بالسادس راح يروح كلية اهلية احتمال او طب بيطري بعد ما اعرف و الحفلة جان بيها نجود و سمراء و ساجدة عبيد(كلة هجع و عالكة) و و الامير شاد الرباط على راسه و مقندل و و ردح لليافوخ و فجأة الامير صاد سندريلا و عجبته و كابلها جتف بجتف ساعتين و ساندريلا نست روحها و نست السراوات و البهذلة و نزلت ردج الى ان صارت 8 و نص .........واللهّّّّ انلاصت اتذكرت وصية الجني و كالت لازم اشطح و ركضت على سريع جنها برازيلي هس توها مجفتة و الامير وراها : -وج تعاااي شبيج تخبلتي؟مو دا احاجيج ؟؟؟ وين امولية ؟؟؟ فضيلة(هلكد ما سكران نسى اسمها) المهم ركضت سندريلا و متحس الا وكع الحذاء بلا ما تدري جان الامير يشيل الحذاء و لزمة و ظل صافن عالعالم اللي انتبهوا على اللقطة و كامو ايباوعون عليه.. الامير بقى شايل الحذاء و مصدوم و صورة سندريلا الحلوة ببالة,,, الحفلة توقفت طبعا و العالم سكتت من المفاجأة جان يباوع الامير عالعالم ....صنطة....... و كال للناس : الشركة العامة للصناعات الجلدية - فخر الصناعة الوطنية العراقية خبرة وتميز في مجال المصنوعات الجلدية من الاحذية والحقائب بارقى المواد | |
|
???? زائر
| موضوع: رد: قصة سندريلا العراقية 2010-12-18, 6:48 pm | |
| همة هذني العراقيات اخخخخخخخخ مشكور حبي موضوع حلو |
|
alarrab
عدد المساهمات : 331 تاريخ التسجيل : 12/02/2010
| موضوع: رد: قصة سندريلا العراقية 2011-01-03, 5:00 am | |
| | |
|
سندريلا الفيـزياء فيزياوي
عدد المساهمات : 24 تاريخ التسجيل : 26/02/2011
| موضوع: رد: قصة سندريلا العراقية 2011-02-27, 1:08 am | |
| ههههههههه كلش حلوة القصة بس خطية قهرتني سندريلا بس هم ضحكتني لو ادري بهاي القصة جان سميت نفسي غير اسم هههههههههههههههه | |
|
مشير
عدد المساهمات : 1376 تاريخ التسجيل : 04/02/2010
| موضوع: رد: قصة سندريلا العراقية 2011-03-04, 5:27 am | |
| هههههههههههههههههه شكرا على المرور | |
|
المشاكس
عدد المساهمات : 605 تاريخ التسجيل : 31/07/2010 العمر : 37
| موضوع: رد: قصة سندريلا العراقية 2011-03-05, 4:16 am | |
| ههههههههههههههههههههههههههههههههههه مشكور حبي مشير على هذه القصه الي كلهه تحشيش للهامه ...وسندريلا الفيزياء لتضوجين تره هاي مو سندريلا هاي فضيله ....تقبل مروري | |
|
ضوء القمر
عدد المساهمات : 973 تاريخ التسجيل : 19/09/2011
| موضوع: رد: قصة سندريلا العراقية 2011-10-06, 7:10 pm | |
| | |
|